عدد المساهمات : 2545 تاريخ التسجيل : 21/11/2009 العمر : 32 الموقع : منتديات المبــدع محمد الشلهوب
موضوع: قصة خالد مع الزواجات الخميس سبتمبر 06, 2012 12:46 pm
السلام عليكم و رحمة الله وبركاته ...
في العمل عندنا و بنفس الأدارة ننقسم لمجموعتين مجموعة الصباح و مجموعه المساء ... أنا عملي الصباح و لي بهذه الأدارة ثلاث سنوات او أقل بشوي ... الشباب الموظفين بالمساء نادرا ما أقبلهم و أن قابلتهم أما في مناسبة عامة أو بالصدفة و الحديث كلها عام أو كالعادة صمت المهم خوينا الذي أقصده بالقصة عمله المساء و ما أعرف عنه شي نهائيا و يمكن ما كلمتها خلال سنين من عملي الا مرة أو مرتين ... طبعا الشباب عندنا الاقدم مني يصفونه بالبخل و يرون عنه مسلسلات عجب...
مرة مديرنا كان بأجازة و أتصل واحد على التلفون و أنا رديت سألني عن المدير قلت في اجازة قال طيب أبي واحد من الأدارة قلت أنا معك ... قالي أبيك بخدمة أنسانية .... قلت أمر .... قال : في واحد عندكم بالقسم جأي يخطب من عندنا و حنا ما نعرف عنه شي و أبيك تنصحني و تعلمني علومه ... قلت مين قال فلان ...المقصود بالسالفة و ليكن أسم وهمي خالد ... قلت بصراحة هو يداوم بالليل و انا أدوم بالنهار و ما أعرف عنه شي الا أنه بالعمل مواظب يعني مو مطنش و يغيب و غير كذا أبد ما أعرف شي ... قال عطني رقم أي واحد يعرفه و عطيته رقم واحد بالعمل يعرفه وبينهم صحبه .... ابو البنت اتصل على خوي و قاله الولد مرة بخيل هههههههههه يعني خالد و مرة ماسك و الريال ما يطلعه الا (بالعزرة) مرت ثلاث شهور أو أربعه و اتصل واحد ثاني على خويي بالعمل و سأله عن نفس الولد خالد و طبعا خويي قال نفس ردي و اعطاه رقم واحد اسمه احمد بالسالفة السابقة و قاله نفس الرد ... و أكيد ابو البنت هون .... ويعلموني بعض الزملاء ان هذا الزميل خالد أكثر من شخص يتصل يسأل عنه و كلهم يحولونه على أحمد الذي ينعته بالبخل ...
بعد فترة نقل هذا خالد الخاطب التعيس بالصباح و جلست معه لفترة تزيد عن ستة شهور اكتشفت فيه عدة صفات وهي : 1-الولد (خالد) انسان تاجر و عنده شغل خاص فطبيعة التجار يوقف لك على ريال و نص ريال ... مثلا لو أحد يبي يشتري منه قطعة غيار لسيارة وقيمتها 351 يطلع منه الريال قبل ال300... واذا صارت قطة او شراكة ولو قطة فطور و هو جاب الفطور يجيك يطلب قيمة القطة لو 3 ريال لكن ان صار الامر غير قطة او تجارة فهو كريم و لا يحسب للفلوس حساب و يدفع بشكل كبير ... 2- الولد مثقف و قاري للتاريخ كله و استمتع بالحديث معه و يدرس القران بالمسجد و أحيانا يؤذن و معروف بحارته أن مؤذن المسجد ومحافظ على الصلاة بشكل كبير... 3- الولد ما فيه عيوب ترفض أنه يتزوج و كما قال لي أحد الشباب الذي وافته المنية قبل كم سنة رحمه الله في هذا الزمان نصف رجال زوج
خلال شهر رمضان جاني الولد خالد و جلس معي و أنا لي شخص يشتغل عند احد القضاة بالمدينة و جاء يطلبني أني اكلم هذا الرجل يكلم له قاضي ان يقراء عليه ...!! سألته ليه قال انا مسحوووووووووووووووووووووور كيف وليش و ايش السبب ..!!! وانت قدامنا مافيك الا العافية ...!! قال انا مسحور و رحت لشيخ و قالي انا مسحوووووووووووووور وواحد عملي عمل ..!! السبب يقول أنه واحد عمله عمل كل ما راح يخطب يوفقون في البداية وبعد كم يوم يتصلون يرفضووووووووون المسكين ما يدري ايش يدور خلفه قلت في نفسي لو يدري أيش السبب كان ذبح أحمد ... حاولت فيه حاولت أقرب له السالفة أحاول أعطيه أحتمالات عشان يفهم و يفكر لكن أبد مو راضي .... الا اني وعدته اكلم له احد يكلم القاضي يقرا عليه وانا بس بأمشي السالفة و بعدين باعطيه طنش
راح رمضان و جاء العيد أول يوم بالدوام دخل علينا شايب دخل شوووووووووووي و خرج و بعدين شاف خوينا أحمد بالصدفة وجالس يكلمه .... طلع الشايب يسأل عن خوينا خالد يقول جأي يخطب منه ههههههههههههههههههه وأمس يقابلني شاب و يطلب مقابلة المدير و مديرنا كان مشغول جلسته و قدمت له شأهي دليلا على كرمي و حسن اخلاقي طول المدير و الولد بداء يكلمني و يتناقش معي طلع ولد الشايب الذي جاء أمس يعني أخو البنت .... ويقول زميلكم خالد جاء يخطب من عندنا وأنا حبيت أسال عنه و سألني عنه .... قلت له ما بيني وبين خالد الا عمل يعني يداوم معنا و عادي محترم و مافي شي بينا الا العمل لكن تسألني أيش رايك فيه يصلح للزواج ولا مايصلح اقولك ما أعرف لأان بالعمل ما يبين شي و نصحته يبعد عن العمل ويرح لحارة خالد و مقر سكنه ويسأل عنه و قابل المدير و المدير عطاه رقم صاحب قريب منه غير خوينا أحمد و اتوقع هذه المرة راح يتزوج لأان خويه هذا أمين ويحبه ...... و أتمنى يتزوج لأان حراااااااااام شوي و يتعقد ... والمسلسل باقي ما انتهت نهايته راح تبان بالايام الجاية أما يعزمنا على زواجه و ملكته و يكون انتهت السالفة او يجيني أحد ثاني و يسأل عنه
موضوع: قصة خالد مع الزواجات 
الخميس سبتمبر 06, 2012 12:46 pm
و جاء العيد أول يوم بالدوام دخل علينا شايب دخل شوووووووووووي و خرج و بعدين شاف خوينا أحمد بالصدفة وجالس يكلمه ....
